Етжапырақ

Етжапырақ , глакус (лат. Glaux) – наурызшешек тұқымдасына жататын көп жылдық шөптесін өсімдіктер туысы. Солтүстік жарты шардың қоңыржай және субарктик. белдеулерінде кең тараған. Қазақстанның барлық аймақтарында кездесетін 1 түрі – теңіз Етжапырақы (G. marіtіme) бар. Биіктігі 4 – 15 (30) см, сабағы бұтақталған. Жапырақтары етті, ұзынша келген, шеті тегіс, екі беті де нүктелі-шұқыршалы қарама-қарсы орналасқан. Тостағанша жапырақшалары боз қызғылт немесе ақ түсті. Аталығы гүлсеріктері қалақшаларының ортасына бекиді. Мамыр – маусымда гүлдеп, жемістенеді. Жемісі – бес қақпалы қорапша. Тұқымы ұзынша немесе домалақ, қара қоңыр түсті, ұсақ бұдырлары болады.

Етжапырақ
Glaux maritima
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Қос жарнақтылар (unranked) Asterids Сабы: Ericales Тұқымдасы: Myrsinaceae Тегі: Glaux L. Түрі: G. maritima
Екі-есімді атауы
Glaux maritima L.