Еуропалық валюта жүйесі
Еуропалық валюта жүйесі , ЕВЖ (European Monetary System, EMS) — Еуропа қоғамдастығына (ЕҚ) мүше бірқатар елдердің (Бельгия, Ирландия, Испания, Италия, Люксембург, Нидерланд, Франция, Германия) валюталық қатынастарының ұйымдық-экономикалық бірлестігі 1979 жылы наурызда құрылған. Еуропалық валюта жүйесі бірігу үрдістерін ынталандыруға, ұлттық валюталар бағамының ауытқуын азайтуға және оларды өзара байланыстыруға, Еуропа қоғамдастығын меншікті валюта-құн құралдарына негізделген валюталық тұрақтылық аймағына бірте-бірте айналдыруға, Еуропа қоғамдастығы елдерінің халықаралық есеп айырысуында АҚШ долларының рөлін шектеуге, яғни келешекте Еуропа қоғамдастығы елдерінің біртұтас ішкі нарығының валюта-қаржы өрісін қалыптастыру үшін алғышарттар жасауға бағытталған. Есеп айырысу[1] құралы ретінде арнаулы еуропалық ақша өлшемі — ЭКЮ (1996 жылдан — еуро) қолданылады. Еуро — толымды халықаралық ұжымдық валюта болып табылады.[2]
Дереккөздер өңдеу
- ↑ Банк терминдері мен ұғымдарының қазақша-орысша сөздігі. / Ғ. Сейіткасымов, Б. Бейсенғалиев, Ж. Бекболатұлы — Алматы: Экономика, 2006. ISBN 9965-783-20-9
- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|