Еуропалық орталық банкілер жүйесі

Еуропалық орталық банкілер жүйесі (ЕОБЖ) – орталық банкілердің аймақтық жүйесі. Еуропа қоғамдастығын құру туралы Маастрихт шартының негізінде құрылған. Құрамына Еуропа Орталық Банкі (European Central Bank) және Еуропа Одағына мүше 15 мемлекеттің орталық банкілері кіреді. 1999 жылдың 1 қаңтарынан – бірыңғай еуропалық валютаға көшудің 3-кезеңінде жұмыс істей бастады. Негізгі мақсаты – бағаның тұрақтылығын қолдау, ЕО-ның ортақ экономикалық саясатын жүргізу. Негізгі міндеттері – ЕО-ның ақша-несие және валюта саясатын жүзеге асыру; халықаралық валюталық операциялар жүргізу; мүше-мемлекеттердің ресми шетелдік валютасының сақтық қорын сақтау және басқару; төлем жүйелерінің қалыпты жұмыс істеуіне жәрдемдесу. [1]

Еуропа Орталық Банкінің штаб-квартирасы,Франкфурт-на-Майне, Германия

ДереккөздерӨңдеу

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том