Ешкілі

Ешкілі — ортағасырлық қоныс орны. 2005 ж. "Көксарай барлау тобы" (жетек. Х.Айтқұл) зерттеген. Байырқұм кеңшары, №4-ші бөлімшесінің қасындағы Ешкілі көлінің солтүстік- батысында. Ескерткіш кейінгі замандардағы құрылыс мақсаттарына пайдаланылып, әбден қираған, бұлінген. Қазіргі орны дөңгелек төбе пішіндес. Осы ескерткіштен 150 м солтүстік-батиста сопақша келген екінші төбе орналасқан. Оның көлемі 33 мх14 м, биік. 2—2,30 м. Ескерткіштің екі жанынан 30- 50 м жерден топырақпен үйілген жал тартылған. Ескерткіштің үстіңгі қабатынан алынған керамикалар Отырар музейінде сақтаулы. Олар Ешкіліні халық 9—13 ғ-ларда мекендегенін айғақтайды.