Жабындық материалдар

Жабындық материалдар — үй және құрылыс төбесін жабу үшін қолданылатын материалдар. Олар силикатты, органикалық және металл материалдардан жасалып, қатты не жұмсақ болып бөлінеді. Жабындық материалдар су өткізбейтін және ыстық-суыққа төзімді, өртену қаупі аз болуы қажет. Силикатты жабындық материалдарға шифер, жабындық асбесті цемент (асбоцемент), балшықтан, құм мен цементтен, қыштан жасалған черепица жатады. Органикалық жабындық материалдар тақтай, битум не қара май сіңірілген қалың қағаздан, т.б. жасалады. Металл жабындық материалдарға мырыш жалатылған не қара қаңылтыр жатады. Қара қаңылтыр жиі сырланып тұратындықтан қымбатқа түседі. Сондықтан ол кейінгі кезде сирек қолданылады.

• 
• 
• 
•