Жабысқақ балық

Жабысқақ балық
	; Remora brachyptera
Ғылыми топтастыруы
Дүниесі:	Жануарлар;
Жамағаты:	Хордалылар;
Ұлы табы:	Сүйекті балықтар;
Табы:	Actinopterygii;
Сабы:	Алабұғатәрізділер;
Кіші сабы:	Percoidei;
Ұлы тұқымдасы:	Percoidea;
Тұқымдасы:	Echeneidae; Rafinesque, 1810
Тектері
	Echeneis; Phtheirichthys; Remora;
Синонимдері
	Echeneididae

Жабысқақ балық (Echeneіdae) — алабұға тәрізділер отрядына жататын теңіз балықтарының бір тұқымдасы. Жабысқақ балық тропиктік және субтропиктік теңіздерде тараған. 7 туысқа бірігетін 7 түрі белгілі. Тұрқы 30 — 90 см, денесі ұзынша, басының үстіндегі және арқасының алдыңғы жағын жауып жататын етті жиекті дискісі — жабысқағы ( түрі өзгерген бірінші арқа қанаты) болады. Жабысқағындағы өзгерген қанат талшықтары ет күшімен өзінің қалпын өзгерте алады. Басқа организмдерге жабысқанда, қанат талшықтарының ет аралығында жартылай вакуумды майда саңылаулар пайда болып, соның күшімен бекиді. Жабысқақ балық акулаға, балыққа, теңіз тасбақасына, китке, т. б. жабысып жүреді. Шабақтары өз бетінше тіршілік етіп, тұрқы 4 — 8 см-ге жеткенде судағы қалқыған заттар мен балықтарға жабыса бастайды. Жабысқақ балықтар ұсақ балықтармен, жабысқан “қожасынан” қалған жем қалдықтарымен қоректенеді. Жабысқақ балықтардың кәсіптік маңызы жоқ. Тропиктегі кейбір ел тұрғындары жабысқақ балықтарды теңіз тасбақасын, ірі балықтарды, дюгоньдарды аулауға пайдаланады.

Сілтемелер

Қазақ энциклопедиясы

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.