Жайлау (шарап)

Жайлау — хош иістендірген шарап; елімізде өсірілетін ақ және қызыл жүзім сұрыптарынан дайындалады. Ақ, қызғылт және қызыл маркалы үш шарап түрі шығарылады. Құрамында спирт — 18%, қант — 7%, титрленетін қышқылдығы 6 г/л. Шараптың бүл түрлерін; дайындауда көкемарал, кермек жалбыз, иір тамыр, ащы жусан, жұпаргүл, қазтаңдай, шілтер жапырақты шайқурай, жебіршөп ингредиенттерінің тұнбасы пайдаланылады. 1983 жылдан шығарылады.