Жайық бойы

Жайық бойы, Орал өңірі — тарихи-географиялық өлке. Алғаш рет «Жайық бойы» («Приуральский край») деген атау-ұғым Ресейдің тарихи-географиялық әдебиетінде 19 ғ-дың 2-жартысында пайда болды. Жайық бойы осы Жайық өзенің алабын және Орал тауларының батысындағы жерлерді қамтиды. Кеңес дәуіріне дейін бұл өлкеге Уфа, Пермь, Орынбор губерниялары мен Батыс Қазақстан (бұр. Орал) облысы кірді. 1902 ж. осы әкімшілік-аумақтық бөлініс жөнінде сауда-өнеркәсіп анықтамалығы «Жайық өлкесі» атты кітап шықты. 40-жылдары Жайық бойы немесе «Орал өңірі» («Приуралье») деген термин енгізілді. Ол қазіргі Батыс Қазақстан облысының жері Жайық деген түсінік береді. Кеңес дәуірі кезіңде қазақстандық «Орал өңірінен» басқа ресейлік «Жайық өңірі» деген тарихи-географиялық атау пайда болды. Оған Орал тауының батыс баурайындағы негізінен Кама, Печора өзендері мен Башқортстан, Ресейдің Пермь, Орынбор облысының жерлері кіреді.