Жамантұз (Уәлиханов ауданы)

 Басқа мағыналар үшін Жамантұз деген бетті қараңыз.

Жамантұз — Сілеті алабындағы көл. Солтүстік Қазақстан облысы Уәлиханов ауданы жерінде.

Сілеті өзенінің сағалық аңғарының сол жағында, теңіз деңгейінен 65,9 м биіктікте жатыр. Аумағы 29,8 км², ұзындығы 9,9 км, енді жері 4,8 км, жағасының ұзындығы 26,8 км. Жауын-шашын және Қыздың Қарасуы, Семізбай өзендерінің суымен толығады. Жағасы жайпақ, құмды, батпақты келеді.

Қараша – сәуір айлары аралығында мұзы қатады. Суы тұзды, көктемде мал ішуге жарамды. Алабын шабындық ретінде пайдаланады.