Жангелді Жайлауұлы Омаров

Жангелді Жайлауұлы Омаров 1959 жылы 20 қаңтарда Жамбыл облысы Сарысу ауданы Байқадам ауылында туған. Қазақ. Ысты руынан шыққан.

Әкесі - Омаров Жайлау (1910-1988), аудандық автожолының бастығы болған. Анасы - Баянова Шахарман (1916 жылы туған), зейнеткер. Қазақ ауыл шаруашылығы институтының ауыл шаруашылығын механикаландыру факультетін (1981) инженер-механик мамандығы бойынша; Алматы жоғары партия мектебі Саясаттану және басқару институтының саясат- тану факультетін (1991) саясаттанушы мамандығы бойынша бітірген. «Нұр Отан» ХДП мүшесі. 1981 жылдан - Жамбыл облысы Сарысу ауданы «Коммунар» кеңшарының инженері. 1983 жылдан - Қазақстан ЛКЖО Сарысу аудандық комитетінің нұсқаушысы, екінші хатшысы, бірінші хатшысы. 1989 жылдан - Алматы қаласы АЖПМ тыңдаушысы. 1991 жылдың шілдесінен - КП Сарысу АК партиялық бақылау комиссиясының төрағасы. 1991 жылдың желтоқсанынан - «Алма» биржасының брокері. 1992 жылдан - Жамбыл облысы Сарысу ауданы әкімшілігі басшысының орынбасары. 1994 жылдан - «Дәулет» өндірістік-коммерциялық фирмасының директоры. 1996 жылдан - «Әулие ата құсы» АҚ бас инженері. 1998 жылдан - «Елжан және К» ЖШС президенті. 1999 жылдан - Жамбыл облысы Сарысу ауданы әкімінің бірінші орынбасары. 2004 жылдан - Жамбыл облысы әкімінің бас инспекторы. 2008 жылдан - Жамбыл облысы бойынша көлік инспекциясы бастығының орынбасары. 2010 жылдың ақпанынан - Жамбыл облысы Шу ауданы әкімінің орынбасары. 2010 жылдың қарашасынан бері -Жамбыл облысы Сарысу ауданының әкімі. «Қазақстан Республикасыныңтәуелсіздігіне 10 жыл» (2001) медалімен, Жамбыл облысы әкімінің құрмет грамотасымен марапатталған. Әскери атағы - запастағы капитан. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Әлемдік дер- жавалар көшбасшыларының тобында». Үйленген. Жұбайы - Божбанова Қарлығаш, педагог.