Жанна Сәбитқызы Сартбаева

	Жанна Сәбитқызы Сартбаева;
Лауазымы
18 мамыр 2019 — 20 маусым 2024
Президент	Қасым-Жомарт Тоқаев
Ізашары	Мұрат Нұртілеу
Ізбасары	Азамат Әбдірайымов
Өмірбаяны
Білімі	Қазақ мемлекеттік басқару академиясы (1995)
Дүниеге келуі	16 тамыз 1973 (51 жас); Алматы, Қазақ КСР, КСРО
	өңдеу

Жанна Сәбитқызы Сартбаева (16 тамыз 1973 жыл, Алматы) — қазақстандық мемлекет қайраткер, дипломат, Финляндиядағы елші (2019–2024).

Өмірбаяны

1995 жылы Қазақ мемлекеттік басқару академиясын (қазіргі Нархоз университеті) тәмамдады.

1997 жылдан 2001 жылға дейін Сартбаева Қазақстанның Малайзиядағы елшілігінің үшінші хатшысы және атташесі болып мансабын бастады.

2001–2002 жылдары аралығында ол Қазақстан сыртқы істер министрлігі екіжақты ынтымақтастық департаментінің екінші хатшысы болса, 2002–2003 жылдары Сыртқы істер министрлігі Еуропа және Америка департаментінің екінші хатшысы қызметін атқарды.

2003 жылдан 2005 жылға дейін ол Сыртқы істер министрлігі Еуропа және Америка департаментінің бірінші хатшысы және 2005–2006 жылдар аралығында Қазақстан премьер-министрі орынбасарының кеңесшісі болған.

2006–2007 жылдары Сартбаева Сыртқы істер министрінің кеңесшісі және 2007–2012 ол Сенат аппаратының парламентаралық байланыстар және халықаралық ынтымақтастық бөлімі меңгерушісінің орынбасары еді. 2012–2013 жылдары ол қайта Министрлер Кабинетіне оралды да, Қазақстан сыртқы істер министрінің кеңесшісі болды. 2013 жылдан 2019 жылға дейін ол Сенат аппаратының халықаралық қатынастар және хаттама бөлімінің меңгерушісі ретінде Парламентке оралды.

2019 жылғы 18 мамырдан 2024 жылғы 20 маусымға дейін Сартбаева Қазақстанның Финляндиядағы төтенше және өкілетті елшісі болды.

Сын

2013 жылдан бастап Қазақстанның Финляндиядағы елшілігі Эспоо қаласында бес-алты адамнан тұратын дипломаттың отбасын орналастыруға арналған 500 шаршы метрлік үйді жалға алған.^[1]

Қазақстан сыртқы істер министрлігінің Сартбаеваға «тұрғындардың санына және үйдегі шаршы метрге белгілі бір шектеулер бар» деп ескерту жасағанымен Сартбаева оларды елемеген. Сөйтіп Қазақстанның елшілігі осы уақытқа ай сайын 12 000 еуро төлеп келіп, соңында үйді жалға беруші сотқа жүгінді. Нәтижесінде Қазақстанның елшілігі 60 000 еуроны төлеп, қарызды жапты.^[2]

Марапаттары

«Парламенттік ынтымақтастықты нығайтқаны үшін» медалі — 2018 жылғы 12 сәуірде Тәуелсіз Мемлекеттер Достастығына қатысушы мемлекеттерде парламентаризмді дамытуға, демократияны нығайтуға, азаматтардың құқықтары мен бостандықтарын қамтамасыз етуге қосқан ерекше үлесі үшін марапатталды.
ТМД ПАА кеңесінің құрмет грамотасы — 2015 жылғы 16 сәуірде Парламентаралық Ассамблея мен оның органдарының қызметіне белсенді қатысқаны, Тәуелсіз Мемлекеттер Достастығына мүше мемлекеттердің халықтары арасындағы достықты нығайтуға қосқан үлесі үшін марапатталды.

Дереккөздер

↑ Нарбекова, Фариза Виллу за 12 000 евро арендовали послу РК в Финляндии (орыс.). ulysmedia.kz (10 марта 2022). Тексерілді, 12 қараша 2024.
↑ Вилла за 12 тысяч евро: Сартбаеву освободили от должности посла (орыс.). ulysmedia.kz (20 июня 2024). Тексерілді, 12 қараша 2024.

[1] Нарбекова, Фариза Виллу за 12 000 евро арендовали послу РК в Финляндии (орыс.). ulysmedia.kz (10 марта 2022). Тексерілді, 12 қараша 2024.

[2] Вилла за 12 тысяч евро: Сартбаеву освободили от должности посла (орыс.). ulysmedia.kz (20 июня 2024). Тексерілді, 12 қараша 2024.

[1]

[2]