Жанпейісов Ахметжан

ЖАНПЕЙІСОВ Ахметжан (5.5.1922, Сырдария ауданы, А.Тоқмағамбетов ауылы – 3.1. 1988, Қызылорда қаласы) – қайраткері, соғыс ардагері. Алматы жоғары партия мектебін бітірген (1961). Еңбек жолын 1940 жылы Жаңақорған аудан май зауытында есепшілік, бухгалтерлік қызметтен бастайды. 1941 жылы өзі сұранып әскер қатарына алынды, осы жылдың күзінде жасақталған 101-дербес атқыштар бригадасының құрамында Мәскеу түбінде алғашқы ұрысқа қатысты. 1946 жылы елге оралғаннан кейін Сырдария ауданы май зауытының директоры, 1949 жылы Дайындау министрлігінің Қармақшы ауданындағы өкілі, 1955 – 1957 ж. Сырдария ауданы аткомы төрағасының орынбасары болды. 1961 – 1964 ж. Сырдария және Қармақшы ауданында кеңес және партия органдарында басшылық қызметтер атқарды. 1965 – 1983 ж. Қармақшы ауданы және Жаңақорған ауданы партия комитеттерінің бірінші хатшысы болды. Қызыл Жұлдыз, Еңбек Қызыл Ту, «Құрмет белгісі» ордендерімен, медальдармен марапатталған. Қармақшы ауданындағы 105-мектепке Жанпейісов есімі берілген.