Жартытөбе ауылдық округі (Созақ ауданы)
Жартытөбе ауылдық округі – Түркістан облысы Созақ ауданындағы әкімшілік бірлік.
| Қазақстан ауылдық округі | |
| Жартытөбе ауылдық округі | |
| Облысы | |
|---|---|
| Ауданы | |
| Округ орталығы | |
| Енеді |
3 ауыл |
| Тұрғыны (2021) |
▲3650 |
| Уақыт белдеуі | |
| Автомобиль коды |
13 |
Басқа мағыналар үшін Жартытөбе ауылдық округі деген бетті қараңыз.Әкімшілік құрамы
өңдеуҚұрамына Аққолтық, Бабата, Жартытөбе ауылдары кіреді. Орталығы – Жартытөбе ауылы.[1] Округ құрамында болған Таскөмірсай ауылы 2015 жылы таратылған.[2]
| Елді мекен | 2009 | 2021 | 2021 2009-ға пайызбен | Ерлер 2009 | Ерлер 2021 | 2021 2009-ға пайызбен | Әйелдер 2009 | Әйелдер 2021 | 2021 2009-ға пайызбен |
|---|---|---|---|---|---|---|---|---|---|
| Аққолтық ауылы | 977 | ▲1033 | 105,7 | 502 | ▲537 | 107 | 475 | ▲496 | 104,4 |
| Бабата ауылы | 941 | ▲980 | 104,1 | 463 | ▲500 | 108 | 478 | ▲480 | 100,4 |
| Жартытөбе ауылы | 1387 | ▲1637 | 118 | 698 | ▲821 | 117,6 | 689 | ▲816 | 118,4 |
| Жалпы саны | 3305 | ▲3650 | 110,4 | 1663 | ▲1858 | 111,7 | 1642 | ▲1792 | 109,1 |
Ауыл бөлімшелері
өңдеу2 орта мектеп, 1 емхана, 2 ФАП, 1 балабақшасы, 2 ауылдық клуб, 2 кітапхана, 1 Қазпошта бөлімшесі, байланыс бөлімшесі, телестанция бар.
Ауылдық кеңес төрағалары
өңдеу“1-Май” ауылдық кеңесі төрағасы болып Тайлақбаев Бейсен қызмет атқарды. Ауылдық кеңес төрағалары болып Есжанов Баймұса (1962-1975 жылдары), Жақсыбаева Рабиха (1975-1976 жылдары), Байділдаев Сағынтай (1976-1980 жылдары), Төлебаева Бибі (1980-1985 жылдары), Алтеков Сержан (1985-1992 жылдары) қызмет атқарды. Ауыл әкімі болып Алтеков Сержан 1992 жылдан бері қызмет атқаруда.
Колхоз төрағалары
өңдеу“1-Май” ауылдық кеңесіне қарасты колхоздар және олардың төрағалары туралы мынадай деректер бар. Үштөбе атындағы колхозда Тоғызбаев Тұран (1947-1948 жылдары), Мықтыбаев Жұмабек (1948-1950 жылдары), Рақышов Асқар (1950-1952 жылдары) төраға болды. “1-Май” атындағы колхозда Иманқұлов Алтек (1942-1944 жылдары), Оқшиев Жайық (1945-1952жылдарға дейін) төраға болды. Сталин атындағы колхозда Сауқауов Темірәлі (1948-1952 жылдары) басшылық жасады. “Жаңатілек” колхозында Ақбергенов Серікбай (1943-1948 жылдары), Жанкеев Аштархан (1949-1952 жылдары) төраға болды. 1952 жылы колхоздар біріктіріліп, іріленді және Сталин атындағы колхоз болып аталды. Оның төрағалары болып Рахышов Асқар (1952-1954 жылдары), Айқожаев Бұзау (1954-1956 жылдары), Есенсариев Ысқақ (1953-1957 жылдары) қызмет атқарды. 1957-1962 жылдары аралығында Сталин атындағы колхоз Калинин атындағы совхозының құрамында болған.
Кеңшар директорлары
өңдеу1962 жылы Жартытөбе кеңшары құрылғанда директорлары болып Малдыбеков Слабек (1962-1967 жылдары), Мырзахметов Исабек (1967-1978 жылдары), Исаев Өмірбай (1978-1987 жылдары), Жүсіпов Әбіл (1987-1989 жылдары), Мұсабеков Сағынтай (1989-1991 жылдары), Еспенбетов Қабылбек (1991-1994 жылдары) қызмет атқарған.[4]
Дереккөздер
өңдеу- ↑ «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, Х том.
- ↑ Оңтүстік Қазақстан облысы Созақ ауданындағы бірқатар елді мекендерді тарату туралы
- ↑ 2021 жылғы ұлттық халық санағының қорытындылары
- ↑ Шолаққорған-2008 кітабі. “ЖЕБЕ” баспа үйі 2008 жыл.