Жарылқасын Аманұлы

Жарылқасын Аманұлы - 1938 жылы 5 наурызда Жамбыл облысындағы Талас ауданында туған.

Алматы сауда техникумын (1958), Мәскеудің сауда институтын бітірген (1965).

Кейін көп жылдар сауда саласында, аудандық комсомол комитетінде қызмет істеген. 1974 — 1991 жылдары шығармашылық жұмыспен айналысты. 1991 — 1994 жыылдары «Ислам шапағаты» газетінің Бас редакторы, 1994—1995 жылдары «Қаржы-қаражат» журналы Бас редакторының орынбасары қызметтерін атқарған.

Қазір Республикалық «Ұлы дала» қоғамдық бірлестігінің төрағасы және Республикалық «Бәйдібек баба» қоғамдық қорының президенті.

Шығармалары

«Жас керуен» (1969, ұжымдық), «Көкпар» (1970), «Жастық жалын» (1971), «Ынтызар жүрек» (1976), «Нұрлы әлем» (1978), «Құрыш қолдар» (1980), «Алатау аясында» (1984), «Шақырады кең дала» (1986), «Асуым, алғы күндерім» (1987), «Өмірімнің өрнегі» (1988), «Қоңыраулы керуен» (1990), «Ақ бата» (1992) өлең кітаптары, сондай-ақ «Қарасай баһадүр» (1998) атты прозалық кітаптары жарық көрген. «Жылыстап кеткен жылдарым» (2005), «Ақын да мен, сал да мен, сері де мен» атты ән-күйлердің жинағы (2008) шыққан. Жоғарғы оқу орындарына, арнайы музыкалық оқу орындарына арналған оқулық шығарған. Республикалық поэзия конкурстарының 4 дүркін жүлдегері,

Жетістіктері

Жамбыл облысының Құрметті азаматы.