Жарылқасын Әбдуахатұлы Әбілов

Жарылқасын Әбдуахатұлы Әбілов(21.8.1948 жылы туған, қазіргі Түркістан облысы Төле би ауданы Леңгір қаласы) – химикалық ғылымның докторы (1993). ҚазМУ-ды (1971, қазіргі ҚазҰУ) бітірген соң осы университте аға лаборант, аға инженер(1971– 1974), ассистент, аға оқытушы, доцент, профессор (1974–1996), кафедра меңгерушісі (1996–2001), декан (2000–2009; 2009 жылдан) қызметтерін атқарады. «Поликомплексы синтетических полиэлектролитов» деген тақырыпта докторлық диссертация қорғады. Оның жетекшілігімен жантақ пен кермек секілді өсімдік түрінен отандық «Алхидин» және «Лимонидин» препараттары жасалды. Әбілов 350-ден астам ғылыми жарияланымның, оның ішінде 5 монография мен 12 оқу-әдістемелік құралдарының авторы, 44 патенті бар.