Жасушалар дифференциясы

Жасушалар дифференциясы (дифференциация клеток); (лат. differentia — ерекшелік, айырмашылық, өзгешелік, гр. kytos - жасуша) - біркелкі (индефферентті) жасушалардан, даму және жетілу процесі нәтижесінде маманданған әркелкі жасушалардың түзілу процесі.

Жасушалар жіктелуі - жасушалардың интерфазалық кезеңінде жүзеге асады. Жасуша ядросының генетикалық аппаратында әртүрлі сыртқы және ішкі факторлардың әсер етуі нәтижесінде түрліше өзгерістер жүреді. Осындай пайда болған жаңа айырмашылықтарға сәйкес, биохимиялық жолдармен тек осы жасушаларға тән арнайы протеиндер синтезделіп, жалпы органеллалардан басқа кейбір жасушаларда белгілі бір қызметтер атқаратын арнайы органеллалар (тонофибрилла, миофибрилла, нейрофибрилла, кірпікшелер, микробүрлер және т. б.) түзіледі.