Жасуша қосындылары

Жасуша қосындыларына көмірсулар, майлар және ақуыз жатады. Қосындылардың барлығы жасушаның цитоплазмасында тамшы және пішіні мен мөлшері әр түрлі түйіршіктер түрінде жинақталады. Қосындылардың органоидтардан айырмашылығы сол жасушаның тұрақсыз құрылымы екендігі.

Май жасушада тамшы түрінде жиналады. Олар әсіресе жануарлардың дәнекер ұлпаларында май қабатын түзеді және өсімдіктердің тұқымдарында көп болады. Жасушада жиналған май, зат айналым әрекетінде қор заты ретінде жұмсалынады.

Көмірсу молекулаларында полисахаридтер шоғырланған.Олар түйіршік пішінді болады, ол жануарлардың бауыр жасушаларында крахмал түрінде жиналады. Ақуыз қосындылары түйіршіктер түрінде шоғырланады. Омыртқалы жануарлардың, мысалы, балықтар, қосмекенділер, жорғалаушылар мен құстардың жұмыртқа жасушаларының цитоплазмасын құрайды және сарыуызға жиналып, дамып келе жатқан ұрыққа қоректік зат түрінде жұмсалады. Қарапайымдарда(амебалар), т.б. өсімдіктерде жасуша қосындылары кристалл пішінді болады.[1]

ДереккөздерӨңдеу

  1. Қасымбаева Т.,"Тіршіліктану",10-11,2003,49 б,ISBN 9965-16-200-X