Жас Қаныш (кітап)

Жас Қаныш - 1999 жылы Алматы қаласындағы «Қазақстан» баспасынан қазақ тілінде жарық көрген кітап. Көлемі 10,7 баспа табақ. Авторы – академик - ғалым, жазушы Е.Букетов. Деректі хикаят 2 тараудан тұрады. Онда академик Қаныш Сәтбаевтың жастық шағы, өскен ортасы, туған жері көркем баяндалған. Шығарма орыс тілді оқырманға арналып жазылғандықтан, автор қазақтың тұрмыс-салт, әдет-ғұрып, тәлім-тәрбие ерекшеліктеріне кеңірек тоқталып, қызғылықты баяндайды. Еңбектің соңына осы кітаптың авторы - Букетов туралы журналист Б. Әдеттің «Қыры - ғылым, өрі - өлең» атты үлкен очеркінен үзінді берілген. Кітаптың танымдық, тағылымдық маңызы зор.