Жағалардың морфологиясы мен динамикасы

Жағалардың морфологиясы мен динамикасы - теңіздер мен мұхиттардың жаға белдемінің қалыптасу зандылықтары мен қазіргі динамикасын зерттейтін ғылыми пән. Теңіз бен құрлық аралығындағы шекаралық белдеуді геологиялық-геоморфологиялық, гидротехникалық және гидрографиялық зерттеулерді біріктіреді. Жаға белдеуінің су үстіндегі бөлігін су астындағы жаға беткейі өзгерістерімен тығыз байланыста қарастырады. Осы бөлікте жаға белдеуінің бедерін қалыптастырушы басты фактор — толқындар энергиясының трансформациясы мен сейілуі орын алады. Анықталған заңдылықтар айлақ құрылысында, жағаны бекітетін қондырғылар салғанда, жағалау- теңіз генезисті кен орындарды іздегенде пайдаланылады.