Жағаның дамуы

Жағаның дамуы — теңіз суының абразиялық және аккумуляциялық әрекетінен жаға сызықтарының өзгеріске ұшырауы. Жаға сызығы өзінің дамуында мынадай дәуірлерді басынан өткізді:

1. Теңіз суының басынан жаңа ғана пайда болған жас жаға сызығы мүйістерден, шығанақтардан тұрады да, өте-мөте қисық болады. Мұндай жағаларда қойнаулар көп болады;
2. Одан кейін соқпа толқындар мүйістерді шайып, шығанақтарды толықтырады да, жағалық террасалар жасайды, бұл оның жетілген дәуірі;
3. Егер жағалық террасалар едәуір жалпақ болып, кертпештер одан әрі бұзылмайтындай болса, онда жаға өзінің ескірген дәуірінде болады, яғни бұл жағдайда жаға жайпақ болып, оның сызығы бір қалыпты болады. Бұл процесс тек жер қабығының төмен түсуі болып, ал жоғары көтерілуі болмаған күнде ғана қалыптасады.