Жақсылық Сәтібеков

Жақсылық Сәтібеков (24.6. 1937 жыл, Байзақ ауданы, Теспе ауылы — 23.9 2011 жыл, Тараз қаласы) – журналист, публицист.

Лақап аты – Ж. Әйтеков.[1]

Қазіргі әл-Фараби атындағы Қазақ ұлттық университетін бітірген (1958).

1958–1965 жылдары Жамбыл облыстық радио комитетінде редактор, республикалық радио комитетінде бас редактор, 1965–1969 жылдары Жамбыл облыстық партия комитетінде нұсқаушы, 1969–1976 жылдары «Социалистік Қазақстан» газетінің меншікті тілшісі, 1976–1986 жылдары облыстық ғылыми - әдістемелік орталықтың директоры, 1986–1992 жылдары «Еңбек туы» газетінде бөлім меңгерушісі, 1992 жылдан «Боздақтар» атты еске алу кітабының редакторы. Медальдармен марапатталған. Қазақстан Журналистер одағы сыйлығының лауреаты. 13 кітаптың авторы.[2]

Кешегі Ұлы Отан соғысында әкесінен көз жазып қалған ақынның қай жинағында болсын майдан тақырыбы ерекше көзге түседі.«Қара кемпір»жоқтау-толғауының сөзін жазған.

Дереккөздер өңдеу

  1. Қазақстан жазушылары. Анықтамалық. Алматы, «Жазушы» баспасы, 1982, 208-ші бет
  2. Тараз энциклопедиясы