Жаңабай (Дулат)

Жаңабай - Ұлы жүз Дулат тайпасының Шымырынан тараған ру. Жаңабайдан:

• Айтқұл,
• Шақан,
• Шөже,
• Көн,
• Сырлы деген аталар өрбіген.

Олардың Қазан революциясына дейін бұрыңғы мекені – қазіргі Жамбыл облысының Жамбыл, Байзақ (Свердлов), Луговой, Жуалы, Мойынқұм, Шу аудандары. Ілгеріде бұл рудан атақты адамдар көп шыққан. Әулиеата қазақтарын Қоқан хандығына қарсы көтерген белгілі Байзақ датқа, М. Г. Черняев әскерінде Шоқан Уәлихановпен бірге қызмет еткен. Шымкентті, Ташкентті босатуға қатысқан Ақмолда батырбасы т.б. осы рудан.