Жаңажол шоқ орманы
Жаңажол шоқ орманы – республикалық мәндегі табиғи ескерткіш.
| Жаңажол шоқ орманы | |
| Сипаттамасы | |
|---|---|
| Түрі | шоқ орман |
| Ауданы | 9 км² |
| Орналасуы | |
| 54°17′55″ с. е. 66°53′03″ ш. б. / 54.298619° с. е. 66.884267° ш. б. (G) (O) (Я)Координаттар: 54°17′55″ с. е. 66°53′03″ ш. б. / 54.298619° с. е. 66.884267° ш. б. (G) (O) (Я) | |
| Ел |  Қазақстан |
| Аймақ | Солтүстік Қазақстан облысы |
| Аудан | Жамбыл ауданы |
Географиялық орны
өңдеуСолтүстік Қазақстан облысы Жамбыл ауданының орман шаруашылығы аумағында орналасқан.
Жер бедері, сипаты
өңдеуАумағы 9 га. Көне қарағайлы орман Есіл – Тобыл өзендері аралығында, континенттік олигоценнің құмдауытты-алевритті шөгінділер шетінен басталып, орманды далаға ұласады. Жоғарғы тұсында орташа жасы 110 жыл болатын 90-нан 150 жыл жасаған жай қарағай басым. Ағаштардың орташа биіктігі 20 м, діңінің орташа диаметрі 30 см. Механикалық құрамы жеңіл орманның сұрғылт топырағы шірінді қылқан жапырақпен бүркемеленген. Кей жерлерінде шымды астық тұқымдас шөптесін өскен. Орманда бұғы мүгі, имек қырыққұлақ, емдік қырлышөп, дөңгелек жапырақты алмұртшөп, мысықтабан, итбүлдірген өседі. Мұнда қайың мен көк теректің ұсақ жапырақты түрлері де кездеседі. Орман өзіне қолайсыз физикалық-географиялық белдемде орналасқан. Ол Жаңажолдағы қорғалатын табиғат аумағының құрамдас бөлігі болып саналады және республикалық деңгейдегі көрікті қорықша ретінде ерекше қорғауды қажет етеді.[1]
Дереккөздер
өңдеу- ↑ АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5