Жем тұзақ
Жемтұзақ – саят құсын қолға түсіретін тұзақ түрі.
Тәсілі
Мұндай тәсіл негізінен өз жемтігін жеп отырған қыран құсты ұстауға қолданылған. Құсқа тез жетіп келіп, ұстаған аңын тастап кетуге мәжбүрлейді. Одан кейін, жіңішке ұзын жіптің бір ұшына құстың аузына сиятындай етті шырмап байлайды да, жіптің екінші ұшын қазық немесе тас сияқты ауыр затқа бекітеді. Жемтіктің үстіне жем тұзақты, кейде оған қоса аздап жас ет кесектерін де қояды. Адам кеткен соң, өзі ұстаған аңына қайта оралған құс, жемтігін жеймін деп жем тұзақты да қоса жұтып қояды. Жемсауына тұзақталған кесек ет түскен құс ұшып кете алмай отырған кезде саятшы келіп құсты ұстап алады да, аузындағы жіпті қиып жібереді.[1]
Дереккөздер
- ↑ ҚАЗАҚТЫҢ ЭТНОГРАФИЯЛЫҚ КАТЕГОРИЯЛАР, ҰҒЫМДАР МЕН АТАУЛАРЫНЫҢ ДӘСТҮРЛI ЖҮЙЕСI. Энциклопедия. – Алматы: РПК “СЛОН”, 2012. – (илл.) ISBN 978-601-7026-17-23-том: К – Қ – 736 бет.ISBN 978-601-7026-21-9
Әдебиет
- ҚР ҰМ – материалдарынан;
- ОМЭЭ – материалдарынан.