Жершошақтар тұқымдасы

Жершошақтар тұқымдасы(Cynomorіaceae) – қос жарнақты, бір жылдық, хлорофилсіз, паразитті өсімдіктер. Бұлар жер бетіне шыққанда қара қошқыл немесе қара қоңыр түсті денесі бар, гүлді өсімдікке емес, саңырауқұлақтың жемісті денесіне ұқсайды. Жапырақтары редукцияға ұшыраған. Өсімдіктің гүлдейтін өркенінің ұшында цилиндр тәрізді масақты гүлшоғыры (қалпағы) орналасады. Жершошақтар тұқымдасы – жыңғыл, ақ тікен, сораңның тамырларына жабысып өсіп, паразиттік тіршілік етеді. Жершошақтар тұқымдасының 1 туысы, 2 түрі бар; қ. Жершошақ.