Жетпісбай Өмірәліұлы Дүйсембеков
Жетпісбай Өмірәліұлы Дүйсембеков (28 қыркүйек 1947 жыл, Ақтоғай ауылы, Қарағанды облысы[1]) — тау-кен инженері, экономика ғылымдарының докторы, профессор, Халықаралық инженерлік академиясының академигі, «Нұр Отан» халықтық-демократиялық партиясының мүшесі.
| Жетпісбай Өмірәліұлы Дүйсембеков | |
| Туған күні |
28 қыркүйек 1947 (76 жас) |
|---|---|
| Туған жері |
Ақтоғай ауылы, Қарағанды облысы |
| Азаматтығы | |
| Ұлты | |
| Қызметі |
тау-кен инженер-экономист |
| Балалары |
Біржан Жетпісбайұлы Дүйсембеков, Бақытжан Жетпісбайұлы Дүйсембеков, Әсел Жетпісбайқызы Дүйсембекова |
| Марапаттары мен сыйлықтары |
«Қазақстан Тәуелсіздігіне 10 жыл» медалі, «Қазақстанның құрметті құрылысшысы» құрмет төсбелгісі, Мемлекет алдында сіңірген еңбегі, белсенді қоғамдық қызметі, елдің әлеуметтік-экономикалық және мәдени дамуына қосқан елеулі үлесі үшін Қазақстан Республикасының Құрмет грамотасы, Геологиядағы үлкен еңбегі үшін «Қазақстан Республикасы Жер қойнауының құрметті барлаушысы» дипломы және төсбелгісі, Қазақстан Республикасының «Еңбек ардагері» медалі |
Өмірбаяны өңдеу
Жетпісбай Өмірәліұлы 1947 жылы 28 қыркүйекте Қарағанды облысы, Ақтоғай ауданы, Ақтоғай ауылында дүниеге келген. Мамандығы бойынша тау-кен инженер-экономисті, экономика ғылымдарының докторы, профессор. 1971 жылы В.И. Ленин атындағы Қазақ политехникалық институтын бітірген. Жоғары білікті маман, өндірісті талантты ұйымдастырушы, тәжірибелі басшы, кемел тұлға – Жетпісбай Өмірәліұлы Қазақстанның құрылыс кешенін дамытуға үлкен үлес қосты. Оның тікелей қатысуымен Қазақстан Республикасының көптеген қалаларында өнеркәсіптік және тұрғын үй-азаматтық мақсаттағы аса маңызды бірегей объектілер бой көтерді.
Ол Қазақстан Республикасының құрылыс индустриясы кәсіпорындарында өндірісті тиімді басқарудың бірқатар бірегей және өміршең әдістерін жаңа экономикалық жағдайларда ұсынған республикадағы танымал жоғары кәсіби мамандардың бірі. Ол нарықтық экономика жағдайында басқарудың экономикалық және әкімшілік әдістерінің маңызы зор екенін дәлелдеді.
«Ұлы Жібек жолы» жолының қазақстандық учаскесін жаңғырту бойынша үлкен ұйымдастыру жұмыстарын жүргізді. Қоныс және Бектас кен орындарында мұнай өңдейтін «Қуатамлонмұнай» БК ЖШС директоры болғанда аталған кен орындарын тәжірибелік-өнеркәсіптік игеру және Қызылорда қаласындағы мұнай құю терминалын салу жобаларын іске асырушылардың бірі болды.
«Зайсан» БК және «Тарбағатай Мұнай» ЖШС Бас директоры лауазымында қызмет атқарғанда ҚР Шығыс Қазақстан облысының Зайсан ойпатында мұнай мен газды өңдеуге және барлауға үлкен үлес қосты, ҚР ШҚО Зайсан ойпатындағы Сарыбұлақ құрылымында газ кен орны ашылды, ҚР ШҚО Зайсан ойпатындағы Сарыбұлақ құрылымында көмірсутегі шикізатының (КСШ) қорлары бойынша бағалау жұмыстарының және КСШ кен орнын сынамалы пайдалану жобасын жасаушы әрі жетекшісі болды[2].
Қызмет жолы өңдеу
- 1971 жылғы қазаннан бастап Жаңатас қаласындағы кеніштің жөндеу-механикалық цехының нормалаушысы, жоспарлау бөлімінің инженер-экономисі болып жұмыс істеді;
- 1972 жылғы шілдеден Жаңатас қаласы Оңтүстік-Шығыс кенішінің аға инженер-экономисі, жоспарлау экономикалық бюросының бастығы;
- 1975 жылдың ақпан айынан бастап Жаңатас қаласы «Қаратау» орталық өндірістік бірлестігі кенішінің жоспарлау бөлімінің бастығы;
- 1976 жылдың шілде айынан бастап Балқаш қаласындағы «Прибалхашстрой» трестінің жоспарлау-өндірістік бөлімінің бастығы;
- Жезқазған қаласындағы «Жезқазғанауырқұрылыс» бірлестігі бастығының орынбасары (1980-1984 жылдар);
- Қазақ КСР Құрылыс министрлігінің Қаржы басқармасы бастығының орынбасары, Қаржы басқармасының бастығы, Қазақ КСР Мемлекеттік құрылыс басқармасының қаржы, есеп және экономикалық талдау Бас басқармасының бастығы (1984-1990 жылдар);
- Құрылыс материалдары өнеркәсібі министрінің бірінші орынбасары (1990-1991 жылдар);
- «Құрылыс материалдары» өнеркәсіптік мемлекеттік концерні президентінің орынбасары (1991-1992 жылдар);
- «Тұранбанк» қазақ акционерлік банкі Басқарма төрағасының орынбасары (1992-1993 жылдар);
- Қазақстан Республикасы Құрылыс, тұрғын үй және аумақтарда құрылыс салу министрінің бірінші орынбасары (1993-1997 жылдар);
- Құрылыс және сәулет-қала құрылысын бақылау агенттігі директорының орынбасары, ҚР ЭИСМ «Қазқұрылыскомитеті» төрағасының орынбасары (1997-1998 жылдар);
- «Жібек жолы» ұлттық компаниясының бірінші вице-президенті (1998-2000 жылдар);
- «Қуатамлонмұнай» мұнай компаниясының атқарушы директоры, директоры (2000-2003 жылдар);
- 2003 жылдың тамыз айынан 2008 жылдың қаңтар айына дейін «Зайсан» БК ЖШС Бас директоры;
- 2008 жылдың наурыз айында «Тарбағатай Мұнай» ЖШС-тің өндіріс жөніндегі директоры болып тағайындалды[3];
- 2009 жылдан бастап Қазақстан Республикасының Шығыс Қазақстан облысында мұнай мен газға геологиялық барлау жұмыстарын жүргізіп жатқан «Тарбағатай Мұнай» ЖШС Бас директоры;
- 2012 жылы Қазақстан құрылыс материалдары өнеркәсібі қауымдастығының вице-президенті болып сайланды;
- 2018 жылдан бері «Жөндуқұрылыстехника» АҚ тәуелсіз директоры.
Ғылыми еңбектері өңдеу
Бірқатар ғылыми еңбектер-монографиялардың авторы:
- «Құрылыс саласындағы құрылымдық қайта құру» (А: Ғылым, 1997 жыл);
- «Шаруашылық жүргізудің нарықтық жүйесіндегі құрылысты басқару мәселелері» (А:1998 жыл);
- «Құрылыс кешенінде оңтайлы басқару шешімдерін қалыптастыру» (А:1999 жыл);
- 1995 жылы экономика ғылымдарының кандидаты ғылыми дәрежесін алу үшін диссертация қорғады (тақырыбы: «Кәсіпорынның өндірістік қызметін басқару»);
- 2007 жылы «Барлау мұнай-газ ұңғымаларының құрылысын зерттеу» тақырыбына докторлық диссертация қорғады (Шығыс Қазақстан Зайсан ойпатының мысалында).
Ғылыми дәрежелері өңдеу
- Халықаралық инженерлік академиясының академигі (1999 жыл); [4]
- Қазақстан Республикасы Ұлттық инженерлік академиясының академигі (2000 жыл);
- БҰҰ Бас консультативтік мәртебесіндегі Халықаралық ақпараттандыру академиясының академигі (2006 жыл);
- Адам-Смитт университетінің профессоры (Нью-Йорк қаласы, 2008 жыл).
Марапаттары өңдеу
- «Жезқазғанауырқұрылыс» бірлестігінің Құрмет грамотасы;
- Қазақ КСР Құрылыс министрлігінің Құрмет грамотасы;
- ҚазКСР Мемқұрылыс Бас басқармасының Құрмет грамотасы;
- Құрылыс материалдары өнеркәсібі министрлігінің Құрмет грамотасы;
- ҚР Құрылыс министрлігінің Құрмет грамотасы;
- «Қазақстан Тәуелсіздігіне 10 жыл» медалі (2001 жыл);
- «Қазақстанның құрметті құрылысшысы» құрмет төсбелгісі (2007 жыл);
- Мемлекет алдында сіңірген еңбегі, белсенді қоғамдық қызметі, елдің әлеуметтік-экономикалық және мәдени дамуына қосқан елеулі үлесі үшін Қазақстан Республикасының Құрмет грамотасы (2008 жыл);
- Геологиядағы үлкен еңбегі үшін «Қазақстан Республикасы Жер қойнауының құрметті барлаушысы» («Почетный разведчик недр Республики Казахстан») дипломы және төсбелгісі (2010 жыл);
- Қазақстан Республикасының «Еңбек ардагері» медалі (2014 жыл).
Отбасылық жағдайы өңдеу
Үш баласы бар: Дүйсембеков Біржан Жетпісбайұлы (1971 жылғы), Дүйсембеков Бақытжан Жетпісбайұлы (1973 жылғы), Дүйсембекова Әсел Жетпісбайқызы (1983 жылғы).
Дереккөздер өңдеу
- ↑ ДНИ РОЖДЕНИЯ В КАЗАХСТАНЕ - Сентябрь, 28 | Номад |. nomad.su.
- ↑ Жетпісбай Дүйсембеков: Отандық құрылыс материалдары табанымыздың астында жатыр - 2017, Қазан, 7 | Қазақстан |. Egemen Qazaqstan.
- ↑ Вручены государственные награды | Номад | 16.12.2008. nomad.su.
- ↑ МИА — Инженерная Академия Республики Казахстан (ru-RU).
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |