Жетібай (Жамбыл облысы)

Жетібай (1993 жылға дейін — Новоивановка) — Жамбыл облысының Байзақ ауданындағы ауыл, Жалғызтөбе ауылдық округі орталығы.

Ауыл
Жетібай
Әкімшілігі
Ел	ҚазақстанҚазақстан
Статусы	Ауылдық округ орталығы
Облысы	Жамбыл
Ауданы	Байзақ
Ауылдық округ	Жалғызтөбе
Тарихы мен географиясы
Координаттары	43°06′56″ с. е. 71°27′00″ ш. б.43.11556° с. е. 71.45000° ш. б. / 43.11556; 71.45000
Құрылған уақыты	1962
Алғашқы дерек	1880
Бұрынғы атаулары	Ново-Ивановка
Уақыт белдеуі	UTC+5:00
Тұрғындары
Тұрғыны	▼1756 адам (2021)
Сандық идентификаторлары
Телефон коды	+7 72637
Автомобиль коды	08
Жетібай Жетібай
Жетібай шекарасы

 Басқа мағыналар үшін Жетібай деген бетті қараңыз.

Географиялық орны

Аудан орталығы — Сарыкемер ауылынан солтүстік-батысқа қарай 15 км жерде, ақ жусан, баялыш күйреуік аралас өскен шалғынды сұр топырақты шөлді белдемде орналасқан.

Халқы

Саны (1999, 2009, 2021)

1999	2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
1986	▼1945	▼1756	90,3	984	▼904	91,9	961	▼852	88,7

Тарихы

Іргесі 1962 жылы “Фрунзе” атындағы қызылша өсіретін ұжымшар ретінде қаланған. Оның негізінде Жетібайда 1997 жылдан 1 өндірістік кәсіпорын, 2 шаруашылық серіктестігі, 200-ден астам шаруа қожалықтары жұмыс істейді.

Инфрақұрылымы

Орта және бастауыш мектеп, клуб, дәрігерлік амбулатория және фельдшерлік-акушерлік пункт бар. Тұрғындары аудан орталығымен және т.б. елді мекендермен автомобиль жолы арқылы қатынасады.

Атау тарихы

ХІХ ғасырдың 80-90 жылдарында Ресей мұжықтары қазақ жеріне қоныс аудара бастаған кезеңде осы елді мекенге Иван атты бай көпесі бастаған орыстың жеті байы көшіп келеді. Орыстар жаңа қоныстарын оларды бастап келген Иванның атымен байланыстырып "Ново-Ивановка" деп, ал жергілікті қазақтар Жетібай деп атап кеткен. Еліміз егемендік алғаннан кейін Қазақстан Республикасы Үкіметі жанындағы мемлекеттік ономастикалық комиссиясының 06.02.1997 жылғы ұйғарымымен аталмыш ауыл тарихи атауын қайта алды.