Жиырма бес (жинақ)

Жиырма бес - 1970 жылы Алматы қаласындағы «Жазушы» баспасынан қазақ тілінде шыққан жазушы Ғ.Мұстафиннің жинағы; көлемі 16,49 баспа табақ. Онда 15 әңгіме, очерктер мен 8 пьесасы қамтылған. Осы жинаққа автордың «Жиырма бес» деген атпен 1954 жылы жарық көрген кітабындағы шығармалары енгізілген. Сонымен бірге мұнда бұрын-соңды ешбір жинағына енбеген «Жол үстіндегі сыр», «Жолда туған ойлар», «Мазасыз мейман» атты шығармалары бар. «Жезқазған» атты очеркте жас геолог, инженер Қаныш Сәтбаевтың Орталық Қазақстанды алып индустриялды өлкеге айналдыру, Жезқазған байлығын игеру арманы сөз болады. Оқырман көпшілікке арналған.