Жоба:Инкубатор/Билеу безгегі

«Билеу безгегі немесе Шайқа» (ағылш. Shake It Up) — жергілікті би шоуында билейтін 2 жасөспірім қыздың өмірі туралы Disney каналы түсірген америкалық ситком. 2010-2013 жылдар аралығында АҚШ-тағы Иллинойс штатындағы Чикаго қаласында түсірілген. Барлығы: 3 маусым, 78 серия. Басты рөлдерде: Белла Торн (Сесилия/Сиси Джонс рөлінде), Зендея (Ракель/Рокки Блу рөлінде), Кэролайн Саншайн (Тинка Хессенхеффер рөлінде), Дэвис Кливлэнд (Флинн Джонс рөлінде), Рошан Фиган (Тай Блу рөлінде), Адам Иригойен (Дьюс Мартинес рөлінде), Кентон Дьюти (Гюнтер Хессенхеффер рөлінде). Режиссері — Джоэл Цвик.

Сюжеті

2 жан құрбы, Рокки Блу және Сиси Джонс, сүйікті телешоуының кастингінен өтіп, профессионал биші болмақшы. Оларға Роккидің ағасы — Тай, Сисидің інісі — Флинн, достары — Дьюс, Дина, тіпті бұрын жек көрген Тинка мен Гюнтер Хессенхеффер көмектеседі. Басқа жасөспірімдер сияқты оларда да отбасы мүшелерімен, достарымен, әріптестерімен, мектеппен және т.б. әртүрлі мәселелер болады. Алайда бір-біріне көмектесу арқылы олар барлығын шешеді.

Басты кейіпкерлері

• Сесилия Джонс — барлығы оны қысқартып, Сиси деп атайды. «Шайқа, Чикаго» шоуының бишісі. Жақсы ән айтады. Анасы және інісімен бірге Чикаго қаласында тұрады. Ата-аналары ажырасқан, сондықтан әкесі Флоридада тұрады. Рокки — Блудің жан құрбысы. Ол Чикагодағы Джон Хьюз орта мектебінде оқиды. Өте жақсы билегенімен, сабақ үлгерімі өте төмен. Бұл оның ауруымен, дислексиямен, байланысты. Сонымен қатар ол кішкентай кеңістіктерді жек көреді (клаустрофобия). 1-маусымда жасы 14-те, алайда 3-маусымда 16 жасқа толды. Мінезі ақжарқын, көңілді, жігерлі, қайсар, шытырманшыл, өзімшіл, қырсық, ерке, жалқау. Шаштары қызғылт сары, көздері қоңыр. Құрбысы Роккиді әрдайым әртүрлі оқиғаларға тартады.
• Ракель Опра Блу — барлығы оны қысқартып, Рокки деп атайды. «Шайқа, Чикаго» шоуының бишісі. Анасы және інісімен бірге Чикаго қаласында, Сисидің үйінің үстіндегі пәтерде тұрады. Сиси — Джонстың жан құрбысы. Ол Чикагодағы Джон Хьюз орта мектебінде оқиды, үздік оқушы. Вегетарианшы, жануарларды жақсы көреді, теңдікті талап етеді. Ол әрқашан Cисиді қиындықтан шығаруға тырысады. Әкесі басында оның биші болуына қарсы болып, дәрігер болу керектігі жайлы айтады. Алайда кейін қызының талантын көріп, оның шешіміне көндігеді. 1-маусымда жасы 14-те, алайда 3-маусымда 16 жасқа толды. Жауапкершілігі мол, өте ақылды, мейірімді, қайырымдылық істерге көмектесуді ұнатады, қырсық, әділ (кейде тіпті шамадан тыс). Көздері қоңыр, шаштары Сисиге қарағанда қысқарақ, бұйра, қоңыр.
• Флинн Джонс — Сисидің інісі. Басында 8-9 жаста болады, бірақ 3-маусымда 11-де екенін айтады. Ол — Генри Диллонның жан досы. Сонымен қатар Тай Блу, Дьюс Мартинеспен жақсы араласады. Бастауыш мектепте оқиды. Бір қарағанда, бойы кішентай 9-11 жасар бала болғанымен, көбінесе өзін Сисиден үлкен сияқты ұстайды, өз жасы үшін қу, тапқыр, дана, епті, әртүрлі жағдайдан өзіне пайда көруді біледі, өзін жақсы көреді. Анасының айтуы бойынша, қарттар үйіне жиі барады. Бұл оның ерте жетілуіне себеп болуы керек. Есікке біреу қоңырау шалғанда, әрдайым «Мен аламын, анашым!» — деп айқайлайды.
• Тай Блу — Роккидің ағасы. Танымал рэпер болуды армандайды. Жақсы билейді. Ол өзін стильді және сүйкімді сымбатты адам деп санайды. Көбінесе Дьюс пен Флиннмен қиындыққа тап болады. 3-маусымда 18де, 1-маусымда 15те болуы керек. 61-эпизодтан бастап Билеу безгегі .(Шайқа, Чикаго) шоуының жүргізушісі.
• Тинка Хессенхеффер — Рокки мен Сисидің жауы. Дегенмен кейін біртіндеп достаса бастайды. Ол — Гюнтердің егіз әпкесі. Гюнтер екеуі өздерін ерекше таныстырады. Неміс акценті бар. Ол жылтыр, ерекше киімдер киюді ұнатады. Гюнтер екеуін «шағын, таулы елден» деп таныстырады. Алайда қай ел екенін дәл айтпайды.
• Гюнтер Хессенхеффер — Рокки мен Сисидің жауы, Тинканың егіз ағасы. Тинка екеуін жиі ерекше таныстырады. Неміс акценті бар. Ол жылтыр, ерекше киімдер киюді ұнатады. Тинка екеуі «шағын, таулы елден» деп таныстырады. Алайда қай ел екенін дәл айтпайды. 3-маусымда, Тинканың айтуы бойынша, Отанына қайтты.