Жолақ дельфин

Жолақ дельфиндер де басқалар сяқты жұмыр денелі, арқа қанаты биік, кеуде жүзбеқанаттары жіңішке және тұмсығы үлкен болып келеді. Денесіндегі көгілдір жолақтарға байланысты олар «жолақты дельфиндер» деп аталады. Көздерінің тұсында қара көк дағы бар. Жолақ дельфиндер топталып тіршілік етеді. Олардың су бетінде секіріп жүргендерін жиі көруге болады. Ересектерінің ұзындығы 2,5 метрге дейін барады. Ал салмағы- 90-150 келідей. Оларды әлемнің тропикалық, субтропикалық жылы сулардан кездестіруге болады. Жолақ дельфиндер Тынық, Атлант және Үнді мұхиттарында, Жерорта, Кариб теңіздерінде тіршілік етеді. Олар су бетінде әртүрлі акробатикалық көріністер көрсетіп, белсенділік танытады.Буаздық мерзімі- 12-13 ай. Жаңа таған дельфиндердің ұзындығы 1 м- ге жуық, салмағы 11 келі болады. Бұл дельфиндер сүйекті балықтармен, бунақденелерімен және шаянтәрізділермен қоректенеді. Бір-бірімен басқа дельфиндер секілді ультрадыбыстар шығарып байланысады.