Жолдасбек Құрманқұлов

Жолдасбек Құрманқұлов (10.02.1948 жылы туған, Созақ аулы) - археолог, ғалым, тарих ғылымдарының кандидаты (1978). 1971 жылы ҚазМУ-ді бітірген. Еңбек жолын 1972 жылы Қазақстан FA Тарих, археоло-гия және этнография ин-тының археология бөлімінде кіші ғьш. қызметкер болып бастаған. 1998— 2004 жылы Э.Х.Марғулан атындағы Археология институты директорының орынбасары, 2004 жылдан бөлім меңгерушісі. 1982 жылдан Орталық Қазақстан археологиялық экспедициясының жетекшісі. 2001 жылы Қазақ- итальян археологиялық экспедициясын, 2004 жылы Шірік-рабад археологиялық экспедициясын ұйымдастырған. Негізгі ғылыми бағыты — кола ғасыры (палеэкономика, көне металлургия, т.б.). Оңтүстік Қазақстанда қала жұртын, жартас суреттерін зерттеуге зор үлесін қосқан. 160-қа жуық ғылыми мақаласы, оның ішінде 4 монографиясы жарық көрген.