Жоэль Батс

Жоэль Батс, Жоэль Бат (фр. Joël Bats; 4 қаңтар 1957, Мон-де-Марсан) — француз футболшысы, қақпашы, 1984 жылғы Еуропа чемпионы.

Жоэль Батс
Жалпы мағлұмат
Туған күні	4 қаңтар 1957 (1957-01-04) (67 жас)
Туған жері	Мон-де-Марсан, Франция
Азаматтығы	Франция
Бойы	178
Салмағы	77
Позиция	қақпашы
Клуб карьерасы 1974—1980 Сошо 66 (−?) 1980—1985 Осер 184 (−?) 1985—1992 Пари Сен-Жермен 254 (−?) Ұлттық құрамы 1983—1989 Франция 50 (−36) Бапкерлік карьерасы 1992—1994 Пари Сен-Жермен қ.б 1994—1996 Пари Сен-Жермен асс 1996—1998 Пари Сен-Жермен 1998—1999 Шатору 2000—2017 Олимпик Лион қ.б 2018—2019 Монреаль Импакт қ.б

Карьерасы

1974 жылы "Сошо" клубында карьерасын бастады. Алты маусым бойы "Сошо" қақпасын қорғап, 1980 жылы "Осерге" ауысты. "Сошо" сапында екінші қақпашы болған Жоэль "Осер" сапында ьірден негізгі қақпашы ретінде алаңға шыға бастады. "Осер" сапындағы бес маусымда 184 ойын өткізді.

1985 жылы "Пари-Сен Жерменге" ауысты.

Париждік клубтағы алғашқы маусымда (1985/86) Франция чемпионы атанды, бұл маусымда 38 рет алаңға шықты. Жалпы ПСЖ сапындағы жеті маусымда 200-ден аса кездесуде алаңға шықты.

1992 жылы карьерасын аяқтады.

Ал Ұлттық құрама сапындағы тұңғыш ойынын 1983 жылы 7 қыркүйекте Данияға қарсы өткізді, бұл ойында Франция 1:3 есебімен ұтылды.

1984 жылы Еуропа чемпионатына қатысты, Жоэль құраманың негізгі қақпашысы ретінде ойнады.

1986 жылғы әлем чемпионатына да негізгі қақпашы ретінде барды. Батс әсіресе ширек финалда Бразилиямен ойында ерекше өнер көрсетті, матч барысында Зико тепкен пенальтиді дарытпады, ал матчтан соңғы пенальтлер сериясында да жақсы ойнап, команданы жартылай финалға алып шықты.

Жетістіктері

Клубтық:

• Франция чемпионы: 1986

Ұлттық:

• Еуропа чемпионы: 1984
• Әлем чемпионатының қола жүлдегері: 1986

Сілтемелер

• Футболшының профилі