Жылантілділер тұқымдасы

Жылантілділер тұқымдасы (ағылш. Оphіglossopsіda) – көп жылдық споралы, кейде мәңгі жасыл өсімдіктер.

Бұлар қырыққұлақтардың ішіндегі ең қарапайым тобы. Сондықтан жылантілдер тұқымдасының ежелгі палеозой қырыққұлақтарынан шыққан деп есептейді. Жер шарында кең тараған 3 туысы, 50-ге жуық түрі белгілі. Бұл тұқымдасқа жататын өсімдіктердің тамырсабақтары қысқа, жуан. Сабақтары, жапырақтары жұмсақ, етжеңді, көбінесе ұлпасыз болады. Кейбір тропиктік аймақтарда өсетін жапырақтарының ұзындығы 2,7 – 4 м-ге дейін жететін эпифитті түрлері де кездеседі. Бұлар дәрілік, сәндік өсімдіктер, араларында таралу аймағы азайып бара жатқан, қорғауды қажет ететін түрлері де баршылық. Қазақстанда 1 туысы бар, ол - Жылантіл.