Жылан балықтар

Жылан балықтар - қылтанақты балықтар тобына жататын, ұзыңдығы 10 см-ден 3 м-ге дейін, массасы 15 грамнан 65 кг-ға дейін болатын балықтар. Көп тараған жыланбалықтың ұзындығы — 50—150 см (2 м-ге дейін), массасы — 4~6 кг болады. Етінің майы 22%-ға жетеді. Жас етінен тағамдардың барлық түрлерін дайындауға болады. Жылан балықтар тағы бір түрі дөңгелек ауыздылар класына жататын, миноги деп аталатын омыртқалылар. Олардың 30-дан аса түрі бар. Ұзындығы — 100 см.

Түрлері мен тұқымдастары

Жыланбалықтардың шамамен 600 түрі бар. Бұл түрлер 22 тұқымдасқа бірігеді. Жыланбалықтардың ең белгілі тұқымдастарына тұщы су жыланбалықтары, ксеноконгерлер, шылаушан тәрізді жыланбалықтар, мурен жыланбалықтар, атылғыш жыланбалықтар, біріккен қабыршақты жыланбалықтар, қысқа құйрықты атылғыш жыланбалық, теңіз жыланбалығы, шортантұмсықты жыланбалық, үйректұмсықты жыланбалықтар, мойынды жыланбалықтар, үшкір құйрықты жыланбалықтар, паразит жыланбалықтар және көптеген басқа да түрлері жатады.