Жылан қылыш

Жылан қылыш - Орал қ-ндағы тарихи-өлкетану музейінде тұрған, 17-18 ғ-да үнді ұсталары соққан қару. Қылыштың жүзі ирелеңдеген жыландай, бунақ-бунақ болып келеді, екі жағында ирелеңдеген жыланның бейнесі бар, жыланның құйрығы қылыштың ұшына келеді, басы сабына жақындап тұр. Қылыш Дамаск болатынан соғылған, жылан бейнесінің жиектері ақ-қара күміспен бәдізделген. Ұзындығы 80 см, сабы 10 см. Мұндай қылышты үнді раджалары мен парсы шахтары сән-салтанат үшін тұтынған. Низамидің өлендерінде Ж. қ.-тар туралы жолдар бар. Ж. қ. 1848 ж.ш. Жәңгірханның Ордадағы қару-жарақ бөлмесінен алынғандығы туралы дерек бар. Әдеб.: Зиманов С., Россия и Букеевское ханство, А., 1982.