Жылжымалы бөгеуші жасақ (ЖБЖ)

Жылжымалы бөгеуші жасақ (ЖБЖ) — мина жарылғыш бөгеттер орнатуға арналған инженерлік әскерлер бөлімшелерінен (бөлімдерінен) құрлық әскерлерінде құрылған уакытша әскери құрылым. Олар әскерлердің ұрыстық ретінің элементі болып табылады. Жылжымалы бөгеуші жасақ механикаландыру құралдарын қолдана отырып, қарсыластың шабуыл және қарсы шабуыл бағыттарындағы жергілікті жерді танкіге қарсы және жаяу әскерге қарсы миналармен миналайды, өз әскерлерінің жазылу шептеріне, бөлімдер мен құрамалардың ашық қапталдарына, олардың аралықтары мен түйіскен жерлеріне, сонымен қатар теңіз жағаларының учаскелеріне, суда, қарсыластың десант түсіруі анықталған бағыттарда және тағы басқа жерлерде бөгеттер орнатады. Жылжымалы бөгеуші жасақ өз міндеттерін орындауда жалпы әскери бөлімшелермен (бөлімдермен), танкіге қарсы күштермен бірлескен түрде, ал кейбір жағдайларда өз алдына қимылдайды.