Жылулық құбыр

Жылулық құбыр — үлкен жылу қуаттарын температураның аз өзгерістері жағдайында бере алатын құрылғы. Жылулық құбыр сұйық жылу тасымалдағышпен ішінара толтырылған герметикалық құбырдан тұрады. Сұйық жылу тасымалдағыш Ж. қ-дың бір ұшында буланып, жылуды сіңіреді, ал құбырдың екінші ұшында конденсацияланып жылу береді. Бу қозғалысы булану және конденсация аймақтарында қаныққан будың қысымдары айырмасы есебінен жүреді. Сұйықтың кері бағыттағы қозғалысы ауырлық күштің әрекетінен немесе жылулық құбырдың ішкі қабырғаларында орналасқан капилляр құрылым арқылы жүзеге асырылады. Ж. қ. энергетикада, ғарыш техникасында, т. б. қолданылады.