Жылу экваторы

Жылу экваторы, термиялық экватор — Жер бетіне таяу орналасқан ауаның ең жоғары температуралық көрсеткіштерін біріктіретін ендік бағыттағы жолақ. Қаңтарда Ж. э. геогр. экваторға (0 параллель) сәйкес келеді (орташа температурасы 26 С), шілдеде Солт. ендікке (20 – 25 с.е.) қарай ығысады, ондағы жылдық орташа температура 28 С-қа жуық. Көктем мен күзде Ж. э. 10 с. е-тен өтеді (осы ендікпен Ж. э-ның жылдық орташа орналасу сызығы да өтеді). Ж. э-ның экватордан солт-ке қарай ауытқуы Солт. жарты шардағы үлкен аумақты алып жатқан құрлықтың мұхит суына қарағанда көбірек жылынуына байланысты.