Жылқыбек Қошжанұлы Оразов

Жылқыбек Қошжанұлы Оразов (1946 жылы туған, Маңғыстау ауданы, Ортаеспе ауылы) — экономист. Алматы халық шаруашылығы институтын (қазіргі Алматы басқару академиясы) бітірген (1967). 1969–1973 жылдары Ералиев (қазіргі Құрық ауылы) автокөлік мекемесінде инженер, аға экономист, жоспарлау экономикалық бөлімінің бастығы, 1974–1976 жылдары Ералиев (қазіргі Қарақия) аудандық комсомол комитетінің 1-хатшысы, 1976–1978 жылдары Ералиев автокөлік мекемесінің кәсіподақ комитетінің төрағасы, 1978–1980 жылдары Маңғыстау облыстық партия комитетінде нұсқаушы, 1980–1987 жылдары Мұнайлы аудандық халық бақылау комитетінің төрағасы, 1987–2000 жылдары «Маңғыстаумұнайгаз» АҚ бас директорының көмекшісі, «Химремонтскважина» ЖШС-нде бөлім бастығы, бас экономист болды. 2000 жылдан жеке кәсіпкер, дәрменсіз борышкерлермен жұмыс комитетіне қарасты конкурстық басқарушы ретінде қызмет етіп келеді. «В.И. Лениннің туғанына 100 жыл» (1970) медалімен, Бүкілодақтық, республикалық жастар одағы комитетінің Құрмет грамоталарымен марапатталған.