Жыңғылды (Маңғыстау облысы)

Жыңғылды (1992 жылға дейін — Куйбышево) — Маңғыстау облысы Маңғыстау ауданындағы ауыл.

Ауыл
Жыңғылды
Әкімшілігі
Ел	ҚазақстанҚазақстан
Облысы	Маңғыстау
Ауданы	Маңғыстау
Ауылдық әкімдігі	Жыңғылды
Тарихы мен географиясы
Координаттары	44°11′50″ с. е. 51°42′04″ ш. б.44.19722° с. е. 51.70111° ш. б. / 44.19722; 51.70111
Құрылған уақыты	1930
Бұрынғы атаулары	Куйбышев, Қаракөл
Орталығының биiктігі	130 м
Уақыт белдеуі	UTC+5:00
Тұрғындары
Тұрғыны	▲2820 адам (2021)
Этнохороним	Жыңғылдылық, Жыңғылдылықтар
Сандық идентификаторлары
Пошта индексі	130403
Автомобиль коды	12 (R)
Жыңғылды Жыңғылды
Жыңғылды шекарасы

 Басқа мағыналар үшін Жыңғылды деген бетті қараңыз.

Географиялық орны

Аудан орталығы – Шетпе ауылынан солтүстік-батысқа қарай 45 км жерде, Қаратау жотасының оңтүстік-батыс баурайының жыңғыл мен жусан аралас астық тұқымдас әр түрлі шөптер өскен сұр топырақты шөл белдемінде орналасқан.

Халқы

1999	2009	2021
1939	▲2278	▲2820

Тарихы

Іргесі 1930 жылы ауыл шаруашылығын ұжымдастыруға байланысты "Куйбышев" атындағы ұжымшар ретінде қаланды. 1969 жылдан қаракөл қойы кеңшары мен ауылдық кеңестің орталығы болды, 1995 жылдан кеңшар негізінде шаруа (фермер) қожалықтары құрылды.

Тұлғалары

Жыңғылдыдан:Есір Айшуақұлы, Айтуған Тайұлы, Елбай Қосымбайұлы, Абыл Тарақұлы, Атанғұл Сүйесінұлы, Шамғұл Ыбырайымұлы, ақын-жыраулар және шешендер: Сам, Құлыш, Қожық, Жаман, Нұрнияз, Алхам, Алшын және т.б. туып өскен.

Ауыл шаруашылығы

Ауыл бойында 70 шаруа қожалығы тіркеліп, оның 51-і тұрақты жұмыс істейді. Ауылда 2012 жылы шаруа қожалықтары мен жеке қожалықтарда мал басы саны өскен. Атап айтқанда, қой-ешкі 34500-тен 35035 басқа, жылқы 2400-ден 2472 басқа, түйе 1600-ден 1648 басқа өскен. 2012 жылға қарай 15 шаруа қожалықтары 98 гектар жерге бақша дақылдарын өсірген. Сай-Өтес – Бозащы су құбырының бір тармағынан тұщы су келеді.

Инфрақұрылымы

Ауылда 2 мектеп жұмыс жасауда. 2 мектепте 2012-2013 оқу жылында 592 оқушы білім алуда. 2013 жылы С.Нұрниязұлы атындағы мектеп – интернатының 250 балалық оқу корпусы және Есір Айшуақұлы атындағы орта мектепке «Маңғыстаумұнайгаз» АҚ-ның демеушілігімен жаңа газон төсеніші бар спорт алаңы салынды. 2012 жылы ауылдық аурухана жабылып, дәрігерлік амбулатория болып жасақталды. Бұдан басқа ауылда 1 дәріхана жұмыс істеуде.