A.
Жүрен.

Жүрен, элления (Aellenіa) – алабұталар тұқымдасына жататын көп немесе бір жылдық шөптесін өсімдіктер туысы. Қазақстанда шөлді аймақтардың сор, сортаңды, тақырлы, құмды және тастақты жерлерінде кездесетін 4 (көкшіл Жүрен, қысқақылтанды Жүрен, шоңайна Жүрен, Іле Жүрені) түрі бар. Олардың биіктігі 30 – 70 (120) см. Сабақтары бұтақты, сырты тықыр. Жапырақтары ұзынша, үшкір, сабаққа кезектесіп орналасады. Гүлдері қос жынысты, жапырақ қолтығынан жетіліп, сыпыртқы гүлшоғырына топталған. Мамыр – шілде айларында гүлдеп, жемістенеді. Жемісі піскенде жеңіл бөлінеді. Шоңайна Жүреншенің құрамында сальсолин алкалоиды бар, оны қан қысымы көтерілгенде ішеді және құм тоқтату үшін пайдаланылады.

[1]

СілтемелерӨңдеу

ДереккөздерӨңдеу

  1. Қазақ энциклопедиясы