Жүсіп сұлулығы
Жүсіп сұлулығы (лат. СOLEUS КОЛЕУС) – көпжылдық, шөптесін немесе жартылай бұтақты, қалақай тұқымдасына жататын өсімдік. Негізгі отаны - Азия, Ява аралдары. 150-ден астам түрі белгілі. Ол өзінің түрлі-түсті ала жапырақтарымен бағаланады. Бірақ бір түсті түрлері де кездеседі. Жапырағы жүрек пішіндес және жиегі ара тісті, беті тегіс емес. Соңғы уақытта жіңішке, жиегі жыртық жапырақты сұрыптарын өсіру үлкен сәнге айналды. Жаз, күз мезгілдерінде гүлдейді. Гүлдері айтарлықтай әдемі емес, шырақ секілді сабақ басында орналасады. Жүсіп сұлулығын гүлі үшін емес, әдемі жапырақтарына бола өсіреді. Бір жылдық түрлеріде бар. Бір жылдық түрлерін көгалдандыруда қолданады, күз кезінде алып тастап, көктемде қайтадан орнына жаңа өскіндерін егеді. Бөлмедегідей, аулада да топтасып тұрғанда, немесе жол жиегіне еккенде әсем көрінеді.
| Жүсіп сұлулығы | ||||||||
|---|---|---|---|---|---|---|---|---|
| Сурет:Колеуссж.JPG | ||||||||
| Ғылыми топтастыруы | ||||||||
|
Жарығы: өңдеу
Жарықта жақсы өседі. Жарық жетіспеген жағдайда сабағы майысып, жапырақтары қанық түстерін жоғалтып, бозғылданып әрсіз болып кетеді.
Жылуы: өңдеу
Жылы температураны ұнатады. Қыста бөлме температурасы 120С төмен болмау керек. Ыстық күндері, ауа ылғалдылығын молырақ жасау қажет.
Суғарылуы: өңдеу
Жаз айларында молынан, қыста өсу процесі баяулайтындықтан суды азырақ құяды.
Ылғалдылығы: өңдеу
Жапырақтарына су бүркіп тұрады
Қоректендірілуі: өңдеу
Минералды немесе органикалық қорекпен тыңайтады. Жапырағының әдемілігін сақтау үшін, азоты көбірек тыңайтқыш қолданады. Сатып алынған тыңайтқыштың белгілі мөлшерін сумен араластырып (қорап сыртында нұсқауы тұрады) көктем – жаз мезгілдерінде екі аптада бір рет қоректендіріп тұрады.
Аурулары: өңдеу
Көбінесе өсімдік битімен ауырады. Оған қарсы инсектицидтер қолданады.
Көбейтілуі: өңдеу
Қалемше арқылы көбейтеді. Сонымен қатар тұқымы арқылы да көбейтуге болады. Бірақ қалемшелеп көбейткенге қарағанда, біршама қиынырақ және тұқымынан өсіп шыққан жүсіптің сұлулығы, бастапқы түрінен өзгеше болып шығуы мүмкін.
Сілтемелер өңдеу
- Гүлстан, өсімдіктер туралы сайт Мұрағатталған 20 ақпанның 2012 жылы.
Дереккөздер өңдеу
"Гүлстан" республикалық ғылыми-танмыдық, көпшілік журнал, 2010 жыл ISSN 2078-6727