Жұмаділдә Жұпарбайұлы Бәзілов

Бәзілов Жүмаділдә Жүпарбайұлы – 1940 жылы 22 сәуірде Алматы облысы, Балқаш ауданы, Құйған ауылында дүниеге келген..

1958 жылы орта мектепті бітіргеннен кейін еңбек жолын Алматы облысы, Балқаш ауданы Құйған совхозында механизатор болып бастады. Кеңес әскері қатарында әскери борышын өтеді.

1971 жылы Мәскеу полиграфия институтын инженер-механик мамандығы бойынша аяқтап, "Кітап" бірлестігіне жолдама алды. Осында шебер, цех бастығы, бірлестік бас директорының орынбасары болды.

1976 жылы жаңа салынып жатқан полиграфия училищесінің директоры болып тағайындалды. Күні бүгінге дейін осында еңбек етеді. Кәсіби білім беру жүйесінде өзін қабілетті ұйымдастырушы, өз ісін жетік меңгерген маман, дарынды педагог ретінде көрсетті. Мектептің оқу материалдық жағдайын жақсартуға, жұмысшылар дайындау сапасын көтеруде, педагогтық ұжымның нығаюына көп еңбек сіңірді.

Жұмысшы кадрларды дайындау ісіндегі Жоғары көрсеткіштері үшін ол басқарып отырған оқу орнына Ленин комсомолы сыйлығының лауреаты сыйлығы берілді.

Үш мәрте Совет (Алмалы) аудандық еңбеккер депутаттар Кеңесіне депутат болып сайланды.

Ғылыми жұмыспен табысты айналысып келеді. 1940 жылы диссертациясын қорғады, педагогика ғылымдарының кандидаты, Қ.И.Сәтбаев атындағы ҚазҰТУ доценті. 26 ғылыми-методикалық еңбектің авторы. ҚР Президентінің Жарлығымен бекітілген Тілдерді дамыту мемлекеттік бағдарламасы аясында "Жалпы техника және полиграфия" терминологиялық сөздігін жасауга қатысты. "Полиграфиялық өндіріс негіздері" оқулығын және "Басудан кейінгі процестер технологиясы" атты оқу құралын, жоғары оқу орындарына арналған оқу-әдістемелік кешендерін басылымға дайындады.

№5 (полиграфистер) кәсіби мектебін басқара жүріп, ол әл-Фараби атындағы Қазақ Ұлттық университетінің "Баспа ісі және редакциялау" кафедрасында аға оқытушы болып істеді. 1994 жылдан Қ.И.Сәтбаев атындағы ҚазҰТУда "Полиграфиялық өндіріс машиналары мен технологиялары" кафедрасында доцент.

"Ұлы жеңіске 20 жыл", "Еңбек ері" медальдарымен, "Қазақ КСР Кәсіби техникалық білім беру үздігі" құрмет белгісімен, "Баспа және полиграфия ісінің қайраткері" құрмет белгісімен және баска да көптеген құрмет грамоталарымен марапатталған.