Жұман Қарақұлов

Жұман Қарақұлов(1921, Өзбекстан, Қарақалпақ Республикасы,Ахунбабаев ауылы - 18.10.1944, Словакия, Дукл қаласы Звала елді мекені) - 2-дүниежүзілік соғысқа қатысушы, қатардағы жауынгер. Майданға 1942 жылдың 17 ақпанында шақырылып, 128- Түркістан гвардиялық атқыштар дивизиясының құрамында Солтүстік Кавказ, 4-Украина майдандарындағы урыстарға, Чехословакия жерін азат етуге катысты. 1944 жылдың күзінде Дукл қаласын азат етуде Звала (Чехия, Снина қаласының маңы) елді мекені түбіндегі 762-биіктік қолдан-қолға көше берді. 1944 жылдың 18 қазанында құрамында Қарақұлов бар рота бекіністі басып алып, күші басым жаумен бірнеше сағат бойы ұрыс жүргізді. Соңғы үшінші шабуылда Қарақұлов пен Саркисьянов жау траншеясына басып кіріп, ротаның ілгері басуына ықпал етті. Бірақ күтпеген жерден жау пулеметтен оқ жаудырып, ротаның ілгері жылжуы тағы тоқтады. Қарақұлов қолына граната алып, атыс ұясына тура ұмтыл- ды. Өшпес ерлік көрсеткен Қарақұловқа КСРО Жоғарғы Кеңесі Төралқасының Жарлығымен Кеңес Одағының Батыры атағы берілді.