Жұмекен

Жұмекен (1996 жылға дейін — Еңбекші) – Атырау облысы Құрманғазы ауданы, Еңбекші ауылдық округінің орталығы.

Ауыл
Жұмекен
Әкімшілігі
Ел	ҚазақстанҚазақстан
Статусы	Ауылдық округ орталығы
Облысы	Атырау
Ауданы	Құрманғазы
Ауылдық округ	Еңбекші
Тарихы мен географиясы
Координаттары	46°37′13″ с. е. 49°20′58″ ш. б.46.62028° с. е. 49.34944° ш. б. / 46.62028; 49.34944
Құрылған уақыты	1930
Бұрынғы атаулары	Қаражар, Еңбекші
Тұрғындары
Тұрғыны	▲1930 адам (2021)
Жұмекен
Жұмекен шекарасы

Географиялық орны

Аудан орталығы – Құрманғазы ауылынан шығысқа қарай 7 км жерде, Еділ өзінің Өлеңті тармағын бойлай құрақ, қамыс өскен шалғынды-батпақты шөлейтті белдемде орналасқан. Тұрғындары көрші елді мекендермен автомобиль жолы арқылы қатынасады.

Тарихы

Іргесі 1930 жылы ауыл шаруашылығын ұжымдастыруға байланысты қаланды. Алғашында “Өлеңті” ауылдық кеңесінің орталығы болды. 1976 жылы ұжымшар негізінде ұйымдасқан 25-партсъезд атындағы қой кеңшары мен Еңбекші ауылдық кеңесінің орталығына айналды. 1996 жылы кеңшар таратылғаннан кейін, “Ақжонас” өндірістік кооперативі құрылды да, ауылға ақын Жұмекен Нәжімеденов есімі берілді.

Халқы

1999 жылы тұрғындар саны 1292 адам (635 ер адам және 657 әйел адам) болса, 2009 жылы 1414 адамды (701 ер адам және 713 әйел адам) құрады.

2021 жылғы санақ қорытындысы бойынша 1930 адамды (998 ер адам және 932 әйел адам) құрады.

Әлеуметтік және мәдени нысандары

• Еңбекші орта мектебі — 1977-1978 оқу жылында ашылды. 2000 жылдары 591 оқушы 23 сыныпта оқыды.
• «Ақ Толқын» бөбекжай-балабақшасы
• Еңбекші ауылдық клубы

Елді мекендегі көшелер

• Азаттық көшесі
• Баймаш Нұрымов көшесі

  

  Жұмекен ауылы

• Болашақ көшесі
• Жеңіс көшесі
• Қадырбек Өмірбаев көшесі
• Қуандық Қауысов көшесі
• Мұқат Мұсаев көшесі
• Таңат Жұмағалиев көшесі
• Х. Муфтахимов көшесі