Жұмсақ денелі тасбақалар (лат. Trionychidae) - тасбақалар тұқымдасы. Денесі мен жайпақ сүйекті сауыты, (ұзындығы 25 тен 90 см дейін) жұмсақ терімен қапталған. Бұл оған тері арқылы тыныстауға мүмкіндік береді. Бетінің алдыңғы жағы шығыңкы жұмсақ тұмсыққа айналған. Оның ұшында танау тесіктері ашылған. Табандары жалпақ. Саусақ аралықтарында жүзу жарғақтары бар. Оңтүстік-Шығыс Азия, Африка және Солтүстік Америкада 7 туыстың 22 түрі таралған. Жыртқыштар, балықпен және ұлулармен қоректенеді. 20-70 жұмыртқа салады. ТМД-да Амур өзені бассейінінде қиыршығыс тасбақасы таралған. Сауыттың ұзындығы 25 см дейін. КСРО-ның Қызыл кітабына енгізілген.[2]
Дереккөздер
өңдеу
- ↑ Chelonia.org
- ↑ Орысша-қазақша түсіндірме сөздік: Биология / Жалпы редакциясын басқарған э.ғ.д., профессор Е. Арын - Павлодар: «ЭКО» ҒӨФ. 2007. - 1028 б. ISBN 9965-08-286-3