Жәнібеков атындағы көше (Алматы)

Жәнібеков атындағы көше. Көшеге көрнекті мемлекет қайраткері, этнограф, тарих ғылымдарының кандидаты, елжанды азамат, өнертанушы - Өзбекәлі Жәнібековтің есімі (Алматы қаласы мәслихатының 02.07.2008 №126 шешімі мен Алматы қаласы әкімдігінің 14.07.2008 №3/555 қаулысы) берілген. Жәнібеков Өзбекәлі (1931-1998) Түркістан облысы Отырар ауданы Сарықамыс аулында дүниеге келген. Ол - қазақ халқының ұлттық мәдениетінің, ана тілінің, дәстүрі мен әдет-ғұрпының жаңарып, дамүына елеулі үлес қосқан тұлға. Оның «Қазақтың ұлттық қол өнері», «Жаңғырық», «Уақыт керуені», «Жолайрықта», «Қазақ киімі», «Ежелгі Отырар», «Тағдыр тағылымы» еңбектері жарық көрген.

Көше Медеу ауданында орналасқан. Көшенің ұзындығы - 1300 метр.