Завьяловка таскөмір кен орны
Завьяловка таскөмір кен орны - Қарағанды облысы Нұра ауданында, Қарағанды қаласынан батысқа қарай 90 км жерде орналасқан. Кен орны 1910 жылдан белгілі. Мұнда ағылшын концессиясы 1910–1912 жылдары көмір өндірген. Барлау жұмыстары 1953–1969 жылдары жүргізілген.
Геологиялық құрылымы өңдеу
Завьяловка таскөмір кен орны Қарағанды квазисинклинорийінің батыс бөлігінде орналасқан. Геологиялық құрылымына девон кезеңінің фамен және турне ярустарының карбонатты-шөгінді түзілімдері мен карбон кезеңінің көмірлі қабаттары кіреді. Көмірлі түзілімдер аргиллит, алевролит, құмтас, таскөмір қабаттары, туффит пен күлді туф қабатшаларынан тұратын 4 шоғырға жіктеледі: Ащылыайрық, Қарағанды, Долинка және Тентек шоғырлары. Құрылымдық жағынан кен орны – шығысы мен батысынан меридиандық жарылымдармен шектелген, бойлық бағытта созылған мульда.
Жатыс сипаты, құрамы өңдеу
Өндірістік көмір қабаттарының қалыңдығы 0,7-3,3 м аралығында. Көмірдің күлділігі 21-28%, тығыздығы 1,4 г/см3, концентрат шығымы 36,7 – 54,8%, күкірті 2,3-3,6%, фосфоры 0,02-0,11%, маркасы Ж,КЖ. Көмір шахталық әдіспен өндіріледі.[1]
Дереккөздер өңдеу
- ↑ Қазақ энциклопедиясы, 4 том 3 бөлім
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |