Зайырбек Ахметов

 Басқа мағыналар үшін Ахметов деген бетті қараңыз.

Зайырбек Ахметов(9.5. 1930 ж. т., Түркістан ауданы Балтакүл ауылы) – Шымкент ауыл шаруашылық техникумын, Ташкент ауылы шаруашылық институтын (1954) бітірген. Еңбек жолын 1958 ж. Қызыл-абад машина-трактор стансасында аға агроном, бас агроном болып бастаған. 1959 – 90 ж. Ильич ауданы Красная звезда кеңшарында партия бюросының хатшысы, «ІІІ Интернационал» ұжымшарының бастығы, ауданы ауылы ш. басқармасының бастығы болды. Жетісай ауданы ауылы шаруашылық бірлестігінің бастығы, ауданы атқару к-тінің бірінші орынбасары болып қызмет атқарды. 1963 ж. 451-Тельман сайлау округінен Өзбек КСР-нің Жоғарғы Кеңесінің депутаты болып сайланды. Еңбек Қызыл Ту (1972), «Құрмет белгісі» (1957) ордендерімен марапатталған.