Зейнеп Төлембеққызы Қойшыбаева

Зейнеп Төлембеққызы Қойшыбаева (6 наурыз, 1937, Қазақстан ауылы, Алакөл ауданы, Алматы облысы — 20 наурыз, 2002, Алматы) — әнші, Қазақстанның халық әртісі (1989).

Зейнеп Төлембеққызы Қойшыбаева
Туған кездегі есімі	Зекен
Туған күні	6 наурыз 1937 (1937-03-06)
Туған жері	Алакөл ауданы, Алматы облысы, Қазақ АКСР
Қайтыс болған күні	20 наурыз 2002 (2002-03-20) (65 жас)
Қайтыс болған жері	Алматы, Қазақстан
Азаматтығы	КСРО →  Қазақстан
Қызметі	әнші
Марапаттары

Қысқаша өмірбаяны

• Абай атындағы Қазақ ұлттық опера және балет театрының вокальдық студиясын (1958) бітірген.
• Алматы өнер институтын (қазіргі Қазақ ұлттық консерваториясы) бітірген (1972).
• 1958 жылдан Абай атындағы Қазақ ұлттық опера және балет театры солисі.
• 1967 ж. - 1993 ж. - қазақтың радио мен теледидары жанындағы камералық оркестр солисті.
• 1981 жылдан өмірінің соңына дейін Жүсіпбек Елебеков атындағы эстрадалық-цирк өнер колледжінің оқытушысы.
• 1993 жылдан республика дәрежедегі зейнеткер.

Орындаған партиялары

Е. Г. Брусиловскийдің “Қыз Жібек”, “Ер Тарғын”, “Жалбыр” операларында, А. Жұбанов пен Л. Хамидидің “Абайында”, М. Төлебаевтың “Біржан мен Сара” операларындағы партияларды орындады.

Репертуары

Оның репертуарында қазақтың халық әндері, Қазақстан композиторларының әндері бар. Зейнеп Қойшыбаеваның қайталанбас дауысы, орындау мәнерінің ерекшелігі, сахналық біліктілігі оны басқа әріптестерінен айрықша даралайды. Қазақ телевидиниясы мен радиосының әншісі болып, Қазақстан композиторларының музыкалық шығармалары мен халық әндерін насихаттауда, эстрада өнерін дамытуда елеулі еңбек сіңірді.

Гастрольдік сапармен КСРО республикасында, сондай-ақ, шет елдерде де (Германия, 1971; Польша, 1979; Ауғанстан,1984; т.б.) болды.

Жетістіктері

• Мәскеуде өткен жастар мен студенттердің дүниежүзілік фестивалінің күміс жүлдегер (1957).